Ysland-vulkaan spoeg en grom weer

’n Vulkaan in Ysland het vir die vierde keer sedert Desember uitgebars en rook en helder oranje lawa borrel uit na elke kant toe. Die skeur is amper 3km lank, ongeveer dieselfde grootte as die laaste uitbarsting in Februarie. Owerhede het weke lank gewaarsku dat ‘n uitbarsting op die skiereiland net suid van Ysland se hoofstad Reykjavik op hande is. Die presiese plek is tussen Hagafell en Stora-Skogfell. Reykjavik se Keflavik-lughawe bly oop vir beide vertrek en aankoms.