Wie dink jy gaan wen? Mike of Jake? 

Mike Tyson en Jake Paul sal mekaar môre die stryd aansê in ’n groot boksgeveg wat wêreldwyd baie aandag trek. Die geveg vind by die AT&T-stadion in Dallas, Texas plaas. Hierdie arena het plek vir 80 000 toeskouers en is bekend as die tuiste van die NFL-span, die Dallas Cowboys. Dit word beskryf as een van die grootste boksgebeurtenisse in onlangse geskiedenis en sal regstreeks op Netflix uitgesaai word.

Tyson, ’n bokslegende, is bekend as “The Baddest Man on the Planet” met ’n indrukwekkende rekord van 50 oorwinnings, insluitend 44 deur uitklophou. Jake Paul, daarenteen, is ’n YouTuber wat homself as ’n professionele bokser bewys het, met ’n rekord van 9-1. Die geveg sal oor agt rondtes van twee minute elk plaasvind, met 14-ons-handskoene, wat effens swaarder is as die standaard.