Wat beplan Turkye se Erdogan?

President Tayyip Erdogan sê Turkye kan Israel binnegaan soos hy dit in die verlede in Libië en Nagorno-Karabakh gedoen het. Hy het by ‘n partybyeenkoms gepraat en nie verdere inligting verskaf nie. Erdogan, is ‘n fel kritikus van Israel se offensief in Gaza. Hy sê Turkye moet baie sterk wees sodat Israel nie hierdie dinge aan Palestina kan doen nie. “Net soos ons Karabakh binnegegaan het, net soos ons Libië binnegegaan het, kan ons soortgelyk aan hulle doen.” In 2020 het Turkye militêre personeel na Libië gestuur ter ondersteuning van die Verenigde Nasies se erkende regering.