Wag eers met Gaza inval, sê 49% Israeli’s

Byna die helfte Israeli’s wil nie hê Gaza moet ingeval word nie. Dit is volgens ʼn meningspeiling wat in die Maariv-koerant verskyn het en waaraan ʼn verteenwoordigende 522 volwasse Israeli’s deelgeneem het. In antwoord op ʼn vraag of die weermag dadelik ʼn grootskaalse inval oor land moet uitvoer, het 29 persent van die deelnemers saamgestem, 49 persent het gesê dis beter om eers te wag en 22 persent was onseker. Israel het beloof om Hamas uit te wis ná die terroristegroep se aanval op 7 Oktober waarin minstens 1 400 mense vermoor is.