VSA lê beslag op Maduro se straler

Amerikaanse owerhede het in die Dominikaanse Republiek beslag gelê op president Nicolas Maduro van Venezuela se vliegtuig nadat vasgestel is dis teen die bepalings van Amerikaanse sanksies aangekoop. Owerhede sê ʼn ondersoek het bevind mense wat bande het met Maduro, het na bewering ʼn Karibies-gebaseerde dopmaatskappy gebruik om die vliegtuig onwettig by ʼn maatskappy in Florida te koop. Die vliegtuig is in April verlede jaar onwettig deur die Karibiese Eilande van Amerika na Venezuela uitgevoer. Venezuela veroordeel die beslaglegging en sê dit kom neer op ongeoorloofde toe-eiening.