Vroue-sokker: Nigerië en Kanada speel gelykop  

Sokker: In vandag se eerste wedstryd by die Wêreld-sokkerbeker vir vroue in Australië, het die Groep B-wedstryd tussen Nigerië en Kanada 0-elk gelykop geëindig. Die tweede wedstryd van die dag, ‘n Groep A-wedstryd tussen die Filippyne en Switserland, het kort gelede afgeskop. In die derde en laaste kragmeting vandag pak Spanje en Costa Rica mekaar om half-tien in Groep C. Die Banyana Banyana se eerste wedstryd is Sondagoggend om sewe-uur teen Swede.