Voorlopige uitslae toon Masisi is uit die kussings gelig

Botswana se regerende party het ‘n skokkende verkiesingsnederlaag gely ná byna ses dekades aan bewind, volgens voorlopige verkiesingsuitslae. President Mokgweetsi Masisi se Botswana Demokratiese Party het Vrydag sy greep op mag verloor nadat opposisiepartye 31 van 61 setels in die parlement gewen het. Masisi se party het teen vroeg vanoggend net een setel gekry. Die Umbrella for Democratic Change, gelei deur die Harvard Universiteit-opgeleide menseregteprokureur Duma Boko, het 19 setels gewen en die Botswana Congress Party, onder leiding van die ekonoom Dumelang Saleshando, het sewe volgens die vroeë tellings. Botswana Patriotic Front, wat in lyn is met voormalige president Ian Khama, het vyf setels verseker. Ingevolge Botswana se grondwet kan die party wat ‘n meerderheid van die parlementêre setels het die president kies en ‘n regering vorm.