Vodacom gaan Konstitusionele Hof toe oor ‘Please Call Me’

Vodacom wend hom na die Konstitusionele Hof nadat die Appèlhof die selfoonreus beveel het om ‘n nuwe beoordeling te doen van die vergoeding wat die skepper van “Please Call Me”, Nkosana Makate, geskuld word. Die voormalige werknemer het die vorige aanbod van 47-miljoen Suid-Afrikaanse rand verwerp, en die Appèlhof het bevind hy behoort tussen 5- en 7,5-persent van die totale inkomste uit die produk oor ‘n tydperk van 18 jaar te kry. Die totaal word beraam op 70-miljard rand. Vodacom is opdrag gegee om die nuwe aanbod teen volgende week af te handel.