VN-organisasie se koördineerder besoek Namibië

Die Verenigde Nasies se Voedsel- en Landbou-organisasie se substreekkoördineerder vir Suider-Afrika, Patrice Talla, is vandeesweek in Namibië. Dit onderstreep die rol van die organisasie en hul planne om lande soos Namibië te ondersteun in die bereiking van doelwitte vir voedselsekerheid en armoedevermindering, veral in die lig van dreigende rampe soos droogtes wat deur El Niño na vore gebring word. Kosmos 94.1 Nuus het met Phillip Tobias, die kommunikasiebeampte van die organisasie se streekkantoor in Namibië, gesels wat oor die besoek uitbrei.