Uitvoere van tafeldruiwe vertoon uiters goed

Die Namibia Grape Company, deur middel van ‘n vennootskap met Capespan, sê die land se tafeldruifuitvoere het toegeneem tot 2,4 miljoen kartonne in 2024, vanaf die 1,4 miljoen wat in 2007 aangeteken is. Volgens Capespan se besturende direkteur, Charl Du Bois, het die maatskappy sy uitvoernetwerk uitgebrei na meer as 35 internasionale markte. Dit kom toe die twee maatskappye ‘n kontrak verlening tot 2045 onderteken het. Namibia Grape Company se gewaarborgde wins sal ook met 17 miljoen Namibiese dollar per jaar toeneem met groei van 3,5 persent jaarliks.