Ugandese polisie arresteer nog jong betogers

Die Ugandese polisie het nog verskeie mense in die hoofstad Kampala gearresteer tydens ‘n tweede dag van betogings teen korrupsie. Beeldmateriaal wat op X deur die Daily Monitor-koerant geplaas is, wys hoe polisie in oproer-uitrustings verskeie jeugdiges agter in ‘n vragmotor dwing terwyl hulle protesslagspreuke skree. Betogers, geïnspireer deur die jeug-geleide betogings in die naburige Kenia, eis die bedanking van die speaker van die parlement. Jong Ugandese het vandeesweek begin betoog teen beweerde korrupsie deur verkose leiers. Die polisie het Dinsdag ‘n beplande optog na die parlement vinnig stopgesit en minstens 73 jong betogers in hegtenis geneem.