Twee mans betrap met 4 ietermagô-velle

Die Namibiese polisie in die Oshikoto-streek het ‘n saak teen twee mans van 46 en 57 jaar geopen nadat hulle na bewering vier ietermagô-velle by hulle gehad het. Die streek se misdaad-ondersoek koördineerder, adjunkkommissaris Titus Ekandjo, sê die voorval het Woensdag omstreeks half-vyf die oggend by die Puma-diensstasie plaasgevind. Die verdagtes is ook in besit gevind van ‘n gelisensieerde Makarov-pistool met agt rondtes ammunisie, ‘n diamant-toetser en 6 405 Namibiese dollar in kontant. ‘n Intelligensie-gedrewe operasie het tot die inhegtenisnames gelei. Die beskuldigdes word op Tsumeb aangehou.