Turkye se inflasiekoers nou 69,8%

Turkye se jaarlikse inflasiekoers het in April tot 69,8-persent gestyg, ondanks rentekoersverhogings wat daarop gemik is om stygende verbruikerspryse te tem. Inflasie het in Maart 68,5-persent bereik, ‘n toename vanaf die vorige maand, met die land wat sukkel om ‘n lewenskoste-krisis te oorkom. Die sentrale bank het sy sleutelkoers in Junie 2023 begin verhoog en dit geleidelik van 8,5-persent tot 50-persent geneem, nadat president Recep Tayyip Erdogan sy besware teen sekere monetêre beleide verslap het.