Trump se gedrag op getuiebank geen verrassing nie

Donald Trump het getuig dat sy maatskappy nie akkurate skattings van baie van sy eiendomme verskaf het nie, in ‘n onsamehangende en uitdagende optrede op die getuiebank in ‘n siviele bedrogverhoor in New York. Die voormalige Amerikaanse president sê sy maatskappy onderwaardeer sy Mar-a-Lago-landgoed en Doral-gholfbaan in Florida en het onder meer sy Trump Tower-woonstelle oorwaardeer. Hy het egter probeer om die belangrikheid daarvan te verminder, wat volgens staatsadvokate opgeblaas is om beter finansieringsvoorwaardes te kry. Prokureurs van die staat New York voer aan dit het leners en versekeraars mislei, Trump 100 miljoen Amerikaanse dollar verdien en sy rykdom met 2 miljard dollar oordryf. Sy getuienis het groot reaksie ontlok omdat die regter sy prokureurs gewaarsku het om hulle kliënt te beheer of hy sou. Michael Cohen, voormalige regsman vir Trump sê sy optrede verbaas nie.