Trein bots teen hyskraan in Nederland

Treindienste tussen Den Haag en Leiden in Nederland sal vir ‘n paar dae opgeskort wees ná ‘n treinongeluk vroeër. Dit is een van die besigste roetes in die land. Een persoon is dood en sowat 30 mense is beseer toe die trein teen ‘n hyskraan gebots en ontspoor het. Die bestuurs-hoof van die spoorweg-onderhoudsmaatskappy het gesê die hyskraan was bedoel vir standaard onderhoudswerk, maar dit is nie duidelik hoekom dit op die treinspoor gestaan het nie. Koning Willem-Alexander het die toneel besoek.