Toestroming met toelaag-registrasie, BIG kritiseer steeds

Inwoners van Ongwediva en omliggende gebiede het na die maatskaplike welsyn-ministerie in die dorp gestroom om hul huishoudings en potensiële begunstigdes te registreer vir die voorwaardelike basiese inkomstetoelae, voorheen bekend as Voedselbank. Begunstigdes ontvang 600 Namibiese dollar per huishouding per maand. Altesaam 8 238 huishoudings kry tans die toelae. Mense wat nie Ongwediva-inwoners was nie, het egter ook na die lokaal gestroom om te probeer registreer. Kosmos 94.1 Nuus het gepraat met Tjipura Tjipura van die Basic Income Grant-koalisie oor die nood.