Themba Zwane voer Bafana aan in Afrikabeker-kwalifiseerders

Sokker: Mamelodi Sundowns se ervare middelveld-ster, Themba Zwane, sal Bafana Bafana aanvoer in die Afrikabeker-kwalifiseerders teen Uganda en Suid-Soedan. Die gewone kaptein en doelwagter, Ronwen Williams, herstel van ʼn besering. Die nasionale span begin sy kwalifiseringsveldtog Vrydag op die Orlando-stadion teen Uganda en speel Dinsdag ʼn weg-wedstryd teen Suid-Soedan. Bafana se afrigter, Hugo Broos, wil hê die spelers moet opgewasse wees vir die taak.