Tasa sê oor Etosha-paaie 

Die slegte paaie in die Etosha Nasionale Park is weer in nasionale fokus gebring. Daar was plasings op sosiale media dat daar wel Maandag tussen Halali en Okaukuejo ‘n skraper ontplooi is maar uitdagings duur voort. Kosmos 94.1 Nuus het gepraat met Nathaly Ahrens van die Toer- en Safarivereniging van Namibië, Tasa, wat sê dit is kommerwekkend as slegte paaie sal keer dat toeriste een van die land se vlagskip-aantreklikhede besoek.