Streisand dokumentêr word vervaardig

Die vervaardiging van ‘n dokumentêre program in verskeie episodes oor die lewe en loopbaan van die sanger, akteur, regisseur en vervaardiger, Barbra Streisand, het begin. Die dokumentêr sluit in honderde ure van persoonlike video’s wat nog nie voorheen uitgegee is nie, asook foto’s, klankopnames en persoonlike aandenkings van haar roemryke loopbaan. Streisand sê sy het jare lank gedink oor die beste manier om die omvangryke inhoud te deel wat sy veilig in ‘n kluis bewaar het. Sy het verlede jaar haar memoir van 970-bladsye getiteld My Name is Barbra bekendgestel.