Stormweer in KZN veroorsaak groot skade
Die eThekwini-munisipaliteit in KwaZulu-Natal sê gure weer tussen die 13de en 16de van hierdie maand het tot swaar reënneerslae gelei en skade veroorsaak wat 1,4 miljard Suid-Afrikaanse rand gaan kos om te herstel. Die munisipaliteit het by ʼn vergadering van die uitvoerende komitee ʼn omvattende verslag ter tafel gelê. Daarin word ʼn oorsig verskaf van die skade, die beraamde herstelkoste, reaksie-maatreëls en inter-departementele ingryping. Die munisipaliteit se stadbestuurder, Musa Mbhele, sê nege sterftes is aangemeld, altesaam 341 woonplekke is beskadig en 1 413 individue word geraak.