Stormers is reg vir Leinster

Die afrigter van die Stormers, John Dobson, sê hulle is vasbeslote om ‘n tuis halfeindwedstryd in die Verenigde Rugbykampioenskap te verseker. Die Kaapse span is reeds in ses wedstryde onoorwonne en is Saterdagaand die gasheer vir die agt-malige kampioen Leinster. Warrick Gelant, Deon Fourie, en Juan de Jongh is almal in die wedstrydspan opgeneem. Dobson sê dis ‘n uiters belangrike wedstryd vir albei spanne. Hy sê met die uitspeelwedstryde wat al hoe nader kruip, verwag hulle ‘n verbete stryd.