Stemdag het in die VSA aangebreek

Gisteraand het meer as 78 miljoen Amerikaners reeds voor verkiesingsdag vandag gestem. Volgens Reuters het Republikeine 36,1 persent van die vroeë stemme landwyd uitgebring, teenoor 30,5 persent in 2020. Demokrate was verantwoordelik vir 38,9 persent, vergeleke met 44,8 persent in 2020. In die ses state wat geslagsdata rapporteer, het vroue 54,2 persent van die vroeë stemme uitgebring. Meer as 50 persent van stemgeregtigde kiesers het in Georgia gestem, met die opkoms effens witter en ouer as die vroeë stemming in 2020, wat Donald Trump moontlik bevoordeel. Maar in Pennsilvanië het meer Demokrate gestem as Republikeine, hoewel met ‘n kleiner marge as in 2020, toe Joe Biden die staat gewen het.