Steeds onsekerheid oor Eurowings Discover se vlugte

Lufthansa se Eurowings Discover se mediadepartement het aan Kosmos 94.1 Nuus gesê op hierdie tydstip kan die lugredery nie die aankoms van twee van hul vlugte môreoggend op die Hosea Kutako Internasionale Lughawe bevestig nie, aangesien die beslissing van Menzies Aviation se dringende aansoek in die Windhoekse hoërhof nog hangende is. Die lugredery sê hy is vol vertroue dat ‘n oplossing binnekort gevind sal word. Lazarus Jacobs van Paragon Investments het vroeër vandag gesê Eurowings Discover het bevestig dat die lugredery vanaand vanuit Frankfurt sal vertrek en môreoggend op Hosea Kutako sal land.