SPAR-groep sê hele bedryf moet koolstofvrystelling verminder

Die SPAR-groep sê hy is daartoe verbind om sy koolstofvrystellings te verminder, maar voeg by die hele bedryf moet saamwerk om verandering teweeg te bring. ʼn McKinsey-studie het onthul sowat 93-persent van die vrystellings is buite die kruidenier se regstreekse beheer. Die voedselstelsel dra by tot meer as 30-persent van die wêreld se kweekhuisgas-vrystellings. ʼn Woordvoerder van SPAR, Kevin O’Brien, sê hulle wil dit aanpak deur saam met boere te werk, verskaffers se pogings te ondersteun en volhoubaarheid te bevorder.