Spaanse sjef erken moord op Colombiese plastiese chirurgAugust 8, 2023

Die 29-jarige Spaanse YouTube-sjef, Daniel Sancho Bronchalo, het in ‘n Thaise hof skuld beken op aanklagte dat hy ‘n 44-jarige plastiese chirurg van Colombië vermoor het. Die chirurg, Edwin Arrieta, se liggaam is in stukke opgesny en dele is op verskillende plekke op die eiland Koh Phangan deur vullisverwyderaars gevind. Bronchalo is die seun van ‘n bekende Spaanse akteur. Die polisie het Bronchalo met die moord verbind toe bewyse gevind is dat die hy verlede week ‘n mes, rubberhandskoene en skoonmaakmiddel gekoop het. Hy het Vrydag erken dat hy die chirurg vermoor het, en die polisie na sewe plekke geneem waar hy glo van die liggaam ontslae sou geraak het. Volgens berigte het die moord plaasgevind na ‘n rusie oor seks en geld. Die beskuldigde bly in aanhouding op die Thaise eiland Koh Samui.