Sommige ANC-leiers soek toerismeminister voor integriteitskomiteeJanuary 22, 2022

Sommige ANC-leiers dring daarop aan dat toerismeminister, Lindiwe Sisulu, voor die party se integriteitskommissie verskyn oor die voortslepende debakel in die regerende party. Lede van die nasionale uitvoerende komitee het Sisulu aangespreek, omdat sy Ramaphosa teengegaan het toe hy haar gevra het om haar kritiek teenoor die Grondwet en die regbank terug te trek. Sy sê sy het nooit daartoe ingestem nie, ongeag ‘n verklaring van die Presidensie wat die teendeel beweer. Bronne het aan Suid-Afrikaanse media gesê voormalige minister Derek Hanekom het die oproep gelei om Sisulu tot verantwoording te roep.