Skryf jou diere-baba in vir die DBV-kalender

Daar is vier dae oor om jou troeteldier in te skryf vir die Dierebeskermingsvereniging se 2025 kalender! Die publiek word uitgenooi om in te skryf vir die 2025 ‘Cutest of the Pack’ DBV-kalender se foto-kompetisie, wat Maandag sluit. Mense kan ‘n foto van hul troeteldiere instuur om ‘n kans te staan om as Dier van die Jaar 2025 gekies te word. Die top-12 wenners sal in die kalender verskyn. Die stappe om in te skryf kan op die DBV se Facebook-blad gevind word. Hanna Rhodin, die DBV-direkteur, het met Kosmos 94.1 Nuus gesels.