Sien wêreldklas muurbal by die BDO Namibië Ope!

Die BDO Namibië Ope 2024 is hier! Moenie die grootste ope muurbaltoernooi ooit in Namibië misloop nie, met topspelers van regoor die wêreld in aksie. Die aksie skop vanaand af en duur tot 16 November by Wanderers Muurbalklub. Toegang is gratis, en eet- en drinkgoed is beskikbaar. Dit is die tweede PSA Challenger Tour wat in Namibië gehou word, met ‘n totale pryspoel van 9 000 Amerikaanse dollar, of sowat 163 950 Namibiese dollar. Kosmos 94.1 Nuus het gesels met Steven Berry, die spanbestuurder, wat die publiek nooi om wêreldklas muurbalaksie te kom geniet.