Shaningwa ontken Stina Wu was saam in China

Sophia Shaningwa, sekretaris-generaal van Swapo, het bewerings dat sy saam met die sakevrou Stina Wu en die uitvoerende hoof van die verkiesingskommissie, Petrus Shaama in China was, weerlê. Shaningwa het Vrydag uit China aangekom waar sy vergaderings met die Chinese Kommunistiese Party gehad het. Sy het met die Windhoek Observer gepraat.

Kosmos 94.1 Nuus het met Swapo-woordvoerder Hilma Nicanor gepraat wat blykbaar niks van die besoek af geweet het nie. Die deurwinterde Swapo-veteraan dr. Charles Mubita het ook aan Kosmos 94.1 Nuus gesê as Nicanor nie weet nie, dan weet hy ook nie.