Shakira skik met Spaanse owerhede oor belasting

Die Colombiaanse popster Shakira het ‘n ooreenkoms met Spaanse aanklaers bereik om ‘n saak van belastingbedrog te skik. Die skikking het ter elfder uur gekom, net toe haar verhoor op die punt was om te begin. Die sangeres het ‘n boete van 7,5 miljoen euro betaal. Aanklaers wou haar vir agt jaar tronk toe stuur en haar met 23,8 miljoen euro beboet indien sy skuldig bevind word. Sy is aangekla van belastingbedrog van 14,5 miljoen euro.