Ses Wes-Kaapse polisielede vasgetrek oor korrupsie

Die Wes-Kaapse teen-korrupsie-eenheid het ses polisielede in hegtenis geneem weens vermeende korrupsie. Polisiewoordvoerder André Traut sê ʼn ander verdagte moet nog aangekeer word. Die beamptes word van korrupte bedrywighede aangekla nadat bokse perlemoen by verdagtes afgeneem, maar niemand in hegtenis geneem en die perlemoen nie as bewysstukke ingehandig is nie. Hulle word ook daarvan beskuldig dat hulle dwelmhandelaars in ʼn polisievoertuig begelei het. Traut sê die lede sal Donderdag in die hof verskyn.