Scouts moet N$2,2m in skadevergoeding betaal

Die Scouts of Namibia sal 2,2 miljoen Namibiese dollar aan die ma van ‘n seun wat deur ‘n pit-bulhond in Februarie 2020 op sy perseel op Tsumeb aangeval is, betaal. Regter Orben Sibeya sê die vereniging was bewus van die hond op sy perseel en het versuim om die hond toe te sluit terwyl die kinders daar was. Die kind, destyds agt jaar oud, was ernstig beseer en was twee maande in die hospitaal en moes rekonstruktiewe chirurgie ondergaan op sy gesig, kopvel en oor. Die hond is na die aanval deur die polisie van kant gemaak.