Sabalenka ook ywerige supermotor-entoesias

Tennis: Die wêreld nommer twee, Aryna Sabalenka van Belarus, het ook ʼn ander passie – sy is geesdriftig oor supermotors. Haar vloot sluit volgens berigte ʼn helderblou Lamborghini Aventador S Roadster ter waarde van 7,5 miljoen Namibiese dollar in, met ʼn topsnelheid van 350 kilometer per uur. Sy besit ook ʼn Mercedes-Benz G-klas van 4,3 miljoen dollar, en ‘n BMW wat haar ma bestuur. Sabalenka het onlangs gesê sy wil graag ʼn Porsche aanskaf. Sy het reeds prysgeld van altesaam 386 miljoen dollar gewen en sal dit dié week vermeerder nadat sy vir die eindstryd van die Australiese Ope gekwalifiseer het.