Sabalenka ‘neem wraak’ teen Gauff

Tennis: Aryna Sabalenka van Belarus het haar belofte nagekom om wraak te neem op Coco Gauff nadat sy verlede jaar teen haar verloor het in die eindstryd van die Amerikaanse Ope. Die tweede gekeurde en verdedigende kampioen het die vierde gekeurde Amerikaner in skoon stelle verslaan in die halfeindstryd van die Australiese Ope. Sy speel Sondag in die eindstryd teen die wenner van die ander halfeindstryd, Dayana Yastremska van Oekraïne of Qinwen Zheng van China. Sabalanka sê dit is wonderlik om weer vir die titel te speel.