SA-steenvrugte verbreed markte

Suid-Afrikaanse steenvrugte is nou in die Verenigde Koninkryk beskikbaar en kleinhandel-promosies sal toegespits wees op pruime, perskes en nektariens. Hortgro, wat Suid-Afrikaanse sagtevrugteprodusente verteenwoordiger, verwag goeie uitvoersyfers vir veral pruime en nektariens. Hortgro se hoofbestuurder van Handel en Markte, Jacques du Preez, sê uitvoersyfers wat in die afgelope seisoen aangeteken is, het ‘n belowende 10 persent-toename vir nektarien-uitvoere en ‘n 3 persent-toename in pruim-uitvoere getoon. Hy verwag hierdie seisoen se syfers sal ook positief wees.