SA, Indië meet kragte in laaste T20

Krieket: Suid-Afrika en Indië meet kragte in die vierde en laaste T20 op die Wanderers in Johannesburg. Die besoekers loop met 2-1 voor in die reeks nadat hulle die eerste kragmeting in Durban en die derde in Centurion gewen het terwyl die gashere die botoon gevoer het in die tweede wedstryd in Gqeberha. Na die reeks speel die Proteas twee toetse tuis teen Sri Lanka voor hulle Pakistan ook tuis aandurf in drie T20’s, drie eendagwedstryde en twee toetse. Indië vertrek na Australië vir ʼn reeks van vyf toetse.