SA bly Namibië se beste handelsvennoot  

Volgens die Namibiese Statistieke-agentskap se handelsbulletin vir Februarie is Suid-Afrika weer beide Namibië se top- uitvoer- en invoer-bestemming. Namibië voer 17,7 persent van sy produkte na Suid-Afrika uit en voer 46,2 persent goedere vanaf die buurland in. Namibië se ander top-vier uitvoermarkte is Botswana, China, België en Zambië. Die ander top-vier invoermarkte is China met invoere van 13,1 persent, gevolg deur Indië, die Verenigde Arabiese Emirate en Amerika.