Rusland val kinderhospitaal in Kiëf aan

Rusland het helder oordag die hoof-kinderhospitaal in Kiëf met ‘n missiel getref en missiele op ander stede regoor die Oekraïne laat reën. Minstens 36 burgerlikes het gesterf in die dodelikste vlaag lugaanvalle in maande. Lugverdediging het 30 van 38 missiele afgeskiet, volgens die lugmag. Die regering het ‘n dag van rou afgekondig. President Volodymyr Zelensky sê die Oekraïne sal wraak neem en het ‘n beroep op Kiëf se Westerse bondgenote gedoen om daadwerklik op die aanval te reageer.