Rusland kan nie net wegkom met oorlog nie – Blinken

Die Amerikaanse minister van buitelandse sake, Antony Blinken, sê indien Rusland toegelaat word om Oekraïne binne te val sonder om gestraf te word, gaan dit moontlike aggressors aanmoedig en tot ‘n wêreld van konflik lei. Hy het by ‘n subkomiteeverhoor van die senaat gepraat. Blinken sê China se politieke en materiële ondersteuning aan Rusland druis in teen Washington se belange. Hy voeg egter by daar is tot op hede geen bewyse dat Beijing dodelike hulp aan Moskou verskaf in die konflik teen Oekraïne nie.