Rupert Murdoch, 92, vir sesde keer verloof

Die mediamagnaat Rupert Murdoch het vir die sesde keer verloof geraak. Die 92-jarige Murdoch gaan volgens berigte met die 67-jarige afgetrede Russiese molekulêre bioloog, Elena Zhukova, trou. Hulle het blykbaar by ʼn partytjie ontmoet wat sy derde eksvrou, die Chinees-gebore entrepreneur Wendi Deng, gehou het. Die New York Times berig uitnodigings is reeds uitgestuur vir die troue wat in Junie op Moraga, Murdoch se wynplaas en landgoed in Kalifornië, plaasvind. Murdoch se beursgenoteerde en New York-gebaseerde maatskappy, News Corp, besit honderde plaaslike, nasionale en internasionale digitale nuusplatforms.