Rugby: Dis weer Wanderers in die premierliga-eindstryd teen United

Rugby: Die Namibiese Rugby-unie se semi-finaalwedstryde in die premierliga op die Hage Geingob-stadion in die hoofstad het vir naelbyt-oomblikke gesorg. FNB Wanderers sal in die finaal weer hul titel verdedig nadat hulle vir FNB Rehoboth met 32-20 gewen het nadat Rehoboth teen halftyd met 14-10 voorgeloop het. In die ander half-eindstryd het Trustco United die FNB Kudus met een punt gewen met ‘n eindtelling van 28-27. Die halftyd-telling was 17-7 in die Kudus se guns.