Roei misdaad uit vir toerisme-groei: Patricia de Lille

Die Suid-Afrikaanse toerisme-minister, Patricia de Lille, sê die toerisme-bedryf is lonend maar misdadige bedrywighede bedreig sy groei. Sy het tydens die Afrika-reisindaba in die Durbanse Internasionale Konvensiesentrum in KwaZulu-Natal gesê die Toerisme-belegging seminaar fokus op die stryd teen misdaad in die sektor, terwyl dit die soeklig laat val op beleggingsgeleenthede in Suid-Afrika. De Lille benadruk die uitwissing van misdaad sal lei tot ‘n toename in toerisme op die vasteland.