Renostertropery: Een doodgeskiet, twee vasgetrek met wapen, byl

Een renosterstroper is doodgeskiet en twee in hegtenis geneem by ‘n lodge in die ooste van Namibië nadat ‘n renosterbul gestroop en sy horing verwyder is. Volgens inligting het teenstropery-eenhede die stropers naby ‘n renosterkoei en -kalf gesien en ‘n jaagtog het begin waarna ‘n skietery glo ontstaan het. Ná ‘n lang jaagtog het die teenstropery-lede die stropers opgespoor. Die sak met die horing en byl is gevind, asook ‘n vuurwapen en alle toerusting vir stropery. Die Namibiese polisie se eenheid vir beskermde hulpbronne is op die misdaadtoneel.