Remvloeistof in Indiese hoesstroop gevind – WGO

Die Wêreldgesondheidsorganisasie se ondersoek na kindersterftes in verband met ‘n Indiese hoesstroop toon dat ‘n middelman in Mumbai ‘n belangrike bestanddeel verskaf het wat in die stroop gebruik is. Meer as 70 kinders is in Gambië dood na hulle die stroop gebruik het. Die stroop, wat deur die Indiese vervaardiger Maiden Pharmaceuticals vervaardig is, het die dodelike gifstowwe etileenglikol en diëtileenglikol bevat, wat in remvloeistof gebruik word. Hierdie bestanddele kan gebruik word as ‘n plaasvervanger vir propileenglikol, ‘n belangrike bestanddeel in stroperige medisyne. Dit is baie goedkoper en kos minder as die helfte van die prys. Die kinders wat gesterf het, was meestal onder die ouderdom van vyf en het aan akute nierbesering gesterf, sommige binne dae nadat die stroop geneem is. Die WGO se ondersoek na die insident duur voort.