Rekenings van bankrot Bankmed lê by Namfisa

Die likwidateur van die Bankmed Namibia Medical Aid Fund het kennis gegee dat die fonds se voorlopige likwidasie- en distribusierekening, sowel as voorlopige balansstaat, tot 30 November ter insae en kommentaar beskikbaar is. Hulle kan by die kantore van die Namibië Finansiële Instellings Toesighoudende Owerheid, Namfisa, en by die fonds se geregistreerde kantoor besigtig word. Kosmos 94.1 Nuus het gesels met Joanette Eises, Namfisa se korporatiewe kommunikasiepraktisyn, wat meer inligting verskaf.