Real, Bayern gaan deur

Real Madrid en Bayern Munich is deur na die Kampioeneliga se laaste 16. Danksy doele deur Brahim Diaz, Vinicius Junior en Rodrygo kon Madrid  Sporting Braga  gemaklik met drie-nul klop en vir die 26ste agtereenvolgende seisoen na die uitkloprondes vorder. Engeland se kaptein, Harry Kane, het twee doele aangeteken in Bayern Munich se oorwinning van twee-een teen Galatasaray. Bayern Munich met 12 punte is nou boaan die punteleer in Groep A. Galatasaray is derde met vier punte met FC Copenhagen tweede ook met vier punte, nadat hulle Manchester United vier-drie gewen het. Arsenal, Inter Milan en Real Sociedad spog ook met oorwinnings.