Rabada geniet sy Karibiese Eilande-krieket

Krieket: ‘n Wes-Indiese uitnodigings-elftal hervat vandag hulle eerste beurt op 245 vir ses in die opwarmingswedstryd teen die Proteas, wat voorberei vir die twee toetse teen die Windies. Suid-Afrika het die loot gewen in Trinidad en Tobago en gekies om te boul. Die tuisspan se openingskolwer, Jeremy Solozano, het die beste gevaar deur 111 aan te teken terwyl die snelbouler Kagiso Rabada drie paaltjies ingeoes het. Rabada sê hy geniet dit baie om in die Karibiese Eilande te wees.