Prins Andrew moet hof toe

Prins Andrew het nie daarin geslaag om ‘n Amerikaanse regter te oorreed om Virginia Giuffre se regsgeding te verwerp wat die hertog van York daarvan beskuldig dat hy haar seksueel misbruik het toe sy minderjarig was, en dat sy deur die ontslape Amerikaanse sakemagnaat Jeffrey Epstein verhandel is. In sy beslissing wat vandag openbaar gemaak is, het die Amerikaanse distriksregter Lewis Kaplan in Manhattan gesê die 38-jarige Giuffre is daarop geregtig om aansprake te maak dat prins Andrew haar mishandel en haar opsetlik emosionele nood veroorsaak het.