Poskaart na 121 jaar afgelewer, vrou ontmoet verlore familie

‘n Vrou in Wallis het haar lankverlore familielede die eerste keer ontmoet nadat ‘n 121 jaar oue poskaart uiteindelik afgelewer is. Die poskaart het vroeër die maand opgedaag by ‘n adres in Swansea. Helen Roberts woon nog in die gebied, nie ver van haar oupa se kinderdaehuis nie. Haar oupa was die broer van Ewart, wat die poskaart gestuur het, en Lydia, die ontvanger daarvan. Die 58-jarige Roberts, wat lank reeds haar stamboom aanlyn nagaan, het ‘n boodskap ontvang nadat inligting oor die poskaart gedeel is. Sy sê sy sou nooit haar familielede ontmoet het as sy nie besig was met die stamboom nie.