Plaaslike inhoud in petroleumbedryf verpligtend

Die regering sê die nakoming van die Nasionale Stroom-op Petroleum Plaaslike Inhoud-beleid is verpligtend vir potensiële beleggers in die olie- en gasbedryf. Die beleid is opgestel na die ontdekking van olie en gas aflandig van Namibië se suidelike kus. Petroleumkommissaris Maggy Shino het by die Internasionale Vereniging vir Boorkontrakteurs-konferensie in Windhoek gesê plaaslike inhoud is ‘n moet en nie ‘n opsie in die Namibiese petroleumbedryf nie. Sy sê as ‘n instaatsteller vir ekonomiese groei, word inklusiewe deelname gesoek wat verder gaan as net indiensneming. Die regering wil plaaslike inhoud sien wat sigbaar is in industrialisasie, kapasiteitsbou en deur vaardighede en tegnologie-oordrag.